ونعود معا....
وحكايه جديده
وحكايات حمارة يويو ١٧
* *******
الواد صاصه بقاله كام يوم ولا جه ولا شفته وحتي ماكلفش خاطره يكلمني حتي في التليفون...وعلشان انا قلبي كبير وبيحب الناس كلها مازعلتش منه بس قولت اروح اعاتبه ماهو العتاب مابيبقاش الا بين الاحباب روحت ساحب رهوانه في ايدي وعدينا علي هسكه وخدته معانا واول ما وصلنا لبيت الواد صاصه لقيت امه قاعده قدام الباب وزعلانه ولسه هااكلمها راحت نطه رهوانه وسألتها هو فيه ايه ياام صاصه امآل فين ابنك صاصه..قالتلها جوه يارهوانه بقاله يومين ولابيأكل ولابيشرب وكل مااقرب منه يدي وشه الناحيه التانيه زي مايكون زعلان من حد قوي و الزعل ده جامد جدٱ وانا بلمح عينيه مرغرغه ومش عايز يبان قدامي انه ضعيف...
طب هوه فين ياخاله قالتلها جوه يارهوانه
روحت انا قايل لرهوانه بس خلاص متكتريش في الكلام انا هادخلله وخليكي انتي هنا وتعالى معايا ياهسكه ولما دخلت لقيت الحزن باين جامد عليه.....قولتله مالك ياواد ياخرع انت فيه ايه
قاللي انا مش هااخبي عليك انا حبيت انسانه جميله الروح والخلق جميلة الحسن والمنظر كلها حنيه وانسانيه وقولتلها بحبك وبموت فيكي واتمني منك كلمة رضا...اومأت براسها بمعني الموافقه وفهمت من كلامها وردودها انها بتحبني جدٱ وبتغير عليه جدٱ....طب ماكدا تمام كل حاجه كده ماشيه تمام...فسكت عن الكلام وضرب كف بكف وكمل سكوت...
قولتله ماتكمل ياابني سكت ليه ...
قاللي الناس كلها بتعيش الحب وحلاوة الحب ...وحنان الحب واشواق الحب..انما حبيبتة قلبي عملت زي اللي خلفت مولود جميل جدٱ..وبدل ماتفرح بيه وتفكر تعمله اسبوع وتحتفل بيه وتوزع فل وياسمين وحلويات وتهنئ الاب..لا ...حبيبة قلبي قعدت وحطت ايديها علي خدها وافتكرت ان ابنهما الجميل ده بكره هايكبر ويحصله مشاكل كتير وهايموت فقعدت تحضر له هاتلبس ايه يوم وفاته وتقول ايه وبداءت تعيش وتعيش حبيب القلب الحزن والخصام والفراق.....واحنا لسه يادوب بنحتفل بمولد حبنا وعشقنا اشواقنا ..
فقولت ياابني ماتتجناش عليها يمكن فيه شئ مزعلها منك ويمكن هيه زعلانه من مشاكل الدنيا واللي فيها...كلمها...عاتبها افهم ايه اللي بتفكر فيه
قاللي ماشي...
هااكلمها واعاتبها
يمكن انا فهمت غلط
وهااقولك ياعم خالد
حااااضر ياعم خالد
بقلمي
٢٠١٧/١٠/١٨
ليست هناك تعليقات:
إرسال تعليق