بتاعه البخور -----''--'-' بقلم الشاعر يوسف مراد

بتاعه البخور 

---------------''--'-' .

وانتي معديه ببخورك .

علي المدارس ...

في اخر الترتيب..

والمستشفيات..

زباله بقطط وكلاب..

وشوارع معتقه .

باكوام عفن.

والقهاوي..

لفي لفه عالشباب .

المترصصين..

بالشيشه ..

في عز النهار..

ولا المصانع ...

اللي بيبانها اتقفلت 

.متنسيهاش..

بلفه وكتري دخان البخور ... 

اهو يمكن من مداخنها يفور...

عدي اوام بكيس تمام ..

علي نيل نشفت ميته ..

سمكه . هلك ...

وصيادينه .

من الجوع ..

باعو المراكب والشبك..

وانتي بتزودي في نار الصنيه .

ارقي الصبيه ...

35 سنه...

مستنيه العدل...

شغرها شاب .

كان نفسها تتجوز...

ونحيب ولد ...

وارقي كمان الجنيه...

اللي عوموه في بلاعه .....

خره...

اسف... 

ملقتش غيرها ..

تظبط قافيتي .

اصل الدولار ركب .

وبقينا نقبض. 

حبه ورق ....

ولا الفنادق المهجورين ...

في الغردقه..

وشرم..

ودهب .

وعيال كتير..

اتشحططو..

اصل كان شغلهم ...

قال ايه سياحه...

تيجي البلد....

بخريني.....

يا بتاعه البخور.

بخريني وانا بثور...

علي ارض باعوها ...

بكلمتين ..

بخري يا خالتي..

تيران وبنت ..

اختها صنافير..

بخري المحاكم والقضاه . 

اللي بيحكمو من غير قانون ..

بخري الخيرزان ..

اللي علي ظهور الشباب شغال.

في المعتقل..

بخري ظابط بوليس ..

بيقبض علي الناس ..

وخلاص .

من غير سبب.

طب بصي 

سيبك من كل دول ...

بخري شارع الهرم ..

هناك الصفوه .

والعلم ..

هناك شعبان عبد الرحيم ..

بطل يقول ..بكره اسرائيل ...

وفيفي عبده اتحزمت..

بس عشان ترقص ..

في خفله وتبقي امنا ..

طب هننسي ليه نبخر لحمنا ..

كل الجثث ..

اللي في البحر بترمي .

عايزه تهج وبتموت هدر .. 

بخري يا ست وادعيله .

.وادعي للي بيدعيلو .

استني ....هناك محصل كهربا ..

ومعاه فاتوره معطره ..

لفي عليها لفه وقار ...

واستني لما الكهربا ترجع ...

وتاني ...بخري .. 

بخري عداد الميه ..

والحنفيه المصديه .. 

بخري الطرق اللي بتتعمل ...

بدون سبب ..

وفلوس في الارض وتندفن ...

بخري .....

قنااال السويس ....

و8 مليار من الدولار ..

بيها اتحفر . 

بخري بيها الايراد ..

قال ايه بعد الخفر زاد ..

ولا شفنا زوادو ولا زواد ...

بخري بخري.

بخري ومتبخليش ...

خللي البخور يسطلنا ...

يمكن نعرف نعيش .....

بخري ميادين ...

إتغسل اسفلتها ... 

بدم اشباب...

الشعر شااب...

من منظر لحمهم..

والجرافات بتجرفه...

بخري وزودي في البخور .

يمكن تغطي علي ريحه مسكهم .

بخري ...بخري .. يا بتاعه البخور

............ Yousef Morad