قصه من
((((( أ يام زمان )))))
****************
كان حِــلْـمِـــــنا أ يـام زمـان
بين الحِـيـطــــان مَـحْـصــــــُور
كان حــــلــــمـنا عــــــــلى أدنا
نِـحْـــلـــم بـلـُـقـْـمـة عــــــــيش
نحلم بـِفرش الغِـنوه فى القـَيَّاله
نِــغـَـنِـيـهـا تِـونِـسْـنـا تِـغـَــزينا
نــــحـلـم بـراحـة الجـســــــــــم
رواقــــــــــة الـــــــــــــــــــــبال
بـِنِــسْـمِـة هَــوا فى القـَيَا يـِيـِــل
ولما كان واحـد يـقـول للـحـبيبه
مِـشْ عــايــزه حــــــــــاجــــه ؟
وتِـرُد وان قـالـت سـلامـتــك
يـِعـِـيش ويـِحْـلـَم بالـســـــــلامه
وتبقى الدنيا فى عينه وردا مفتحه
وينام ويصحى
والابـتـسـامه سـاكـنـه قـلـبــــــه
ويمشى زى الريح ما تِحِسْبُوش
كـان زمـان الحِــلـم زى الـعِـلــــم
اولاد الاكـابـرحِــــــلـمـهـم زَيِّـهُـم
اللى يحـلم يـبـقى ظابـط
مُسـتـشار وكـيل نـيــابه
يـِحْـلـَمُـوا بأكبر مناصب
واللى ما يحـقـقش حِلمه
يـــــبـــــــقـى بــــــــــيـه
يـِنْــزِل مـن سـراية ابـوه
يلاقى الخِـيـل مستـنـظـره
وابويا وعَمِّـتى وابن خالى
واقـفـين وماسكـين اللجام
لما يركب ابن البيه الكبير
ويـِلِـفْ حَـوالـين الأراضى
واللى زعلان واللى راضى
واللى جاى واللى ماضى
لازم يرَحَّب بالبيه وينحنى
واللى كات بتقول سلامتك
بـِنـُـص ابـتـســـــــــــــامه
كـانـت ســلامـتــــــــــــــك
بـِتْخـَلـِّى الواحد زى الجبل
لا الـريـــــــــح ولا الـبـرق
ولاحتى العواصف تأثر فِيه
دلوقتى
الحبيبه بابتسامه ونص وزيــــــاده
ومشاورة الادين ولهـفة العـيــــون
وهَـمّة الخطوه عشان تِشوف البيه
والبيه يشِدّ لِجـام الخــيل ويـِسْـألها
اسـمِـكْ أيـه يـا شــــــــــــــــاطره ؟
وتـِرُدْ وجـبـيـنـهـا عـَليـِه فـدان أمل
خـَــدَّامـتـك نفيسه يـابـيــــــــــه
الـبـيــه ابـن الأكـــــــــــــــــــــابــر
بـِيْـمِـد عـــــــــصايـة الـزيـنا
عـَلـَىَ وشـِّـهَـا ويـــــــــــقـول
الـخـَـدْ زى الـــــــــــــــــــورد
والصَــــــــــــــــــــدر رُمَّـــان
والشعر زى ليل الشتا وناعم
والعـُــود فـرنساوى مِـتْبرمج
بـــس يا خــــــــــــساره
اسمك ما ينـفـعـش يتدلع
وكلام كتير معناه غريب
ويهز راسه ويـِـسِـيـِبـها
والخـيـل مِـــــــــــــــهَاود
أركن دماغى على نخلة التوت
اللى كُـنت مـــتدارى وراها
واسمع نفيسه بتسِبْ ابوها
لـيه يا ابا سَـمِّـيـتْـنى نفيسه
ودمــــوعـــــها تـنـزل
زى المطـر على خدها
تِـصْـعَـب عَــلـيَّـــــــــــــــــــه
أكـشـف حــــنـانى واقـول لها
معـلهـش يا نـعـمـة الـنـسـايـم
أصـل انـتِ زى الــــــــــــورده
والورده مابتعرف تشم نفسها
ولا تعـرف مـيـن اللى بـيشمها
الـد لـيـل ابـن الاكــــــــــــابر
فـاشـل وصـــــــــــــــــــــايــــع
ولـولا أرض ابـــــــــــــــــــــوه
واحـنا اللى بـِنِـشْـتَـغـَل ونِـنـْتِـج
ونِــزَوِّد الـمـحـصــــــــــــــــــول
مـحـصـــــول عـلى محـصـــــول
سَــنـَــه ورا سَـــــــــــــــــنـَــــه
والبيه يشـتـرى ويـِـزَوِّد الأرض
ولـمـا اولادنـا يـِكْــبَـــــــــــــــروا
يلاقوا الأرض عـايزه شـَغـِّـيـِلـــه
واهى دايره مقفوله
واحـنا التيران بـِنـْلـِف فِـــيـــــــها
زى الطـُور اللى بيلف ع المدار
لازم بيبقى متغمى العينين
يبقى لازم حلمنا يكون على أدنا
ميكونش زى حلم اولاد الأكابر
واللى عايز يحلم حلمهم
لازم يـبـقـى زَيِّــهـــــــــم
منزوعه من قلبه الرحمه
وعنيه عنين ظابط مباحث
لابـِتِـعـرف الحِـنِـيَّــــــــــه
ولا يـوم تـِزُورهـا دمــوع
يبقى لازم حلمنا يكـون عـلى أدنا
أصل نغرق فى الدمـوع
ويسكن فى جوفنا معنى الجوع
ونعيش أيام زمان بين الحيطان
حلمنا محصور
*******************
شاعر القريه
فيصل يدر
ليست هناك تعليقات:
إرسال تعليق