يا خروف العيد
....
يا خروف العيد يا جميل. لحمك ده لذيذ وأصيل
أنا نفسي آكل واتهني. م الفجر لحد الليل
....
يا خروف العيد يا ملظلظ. شكلك ده جميل ومكلبظ
وتخين وتقيل ومربرب. حبك في القلب مقلوظ
....
أنا هاانزل يوم العيد. وراح البس لبس جديد
أنا بس هااروح واتفرج. علي دبح خروف العيد
....
أنا نفسي في شنطه هديه. ويا باشا.. يخليك ليا
واعمل لي حلة باميه. علي حتة لحمه. وليه
....
يا خروف العيد اديني. م الأصلي بلاش م الصيني
في الفته الشكل.. يا سيدي. والطعم.. يا ليلي يا عيني
....
يا خروف العيد يا صغير. القلب معاك متحير
يا خروف العيد يا كبير. مختارك لو متخير
....
صوتك عالي وبيمأمأ. والمعده خلاص بتوأوأ
دي المعده بقالها سنين. يا تهوهو. هاو.. يا تنهق
....
انا احب اللحمه الضاني. وباقول لك عاوز تاني
ده اللحمه الضاني مزاجي. وبيبدأ منها جناني
....
جهزت يا روحي اطباق. للأكل الجوع مشتاق
هات كفتة وطرب وشوربه. والحلو صينيه. رقاق
....
يا خروف العيد يا جميل
....
بقلم / خالد محمد
ليست هناك تعليقات:
إرسال تعليق