///// حبيبتي
لما شوفتك شمس بكره
وصبح يضحك بابتسامتك
لما طير الفجر هدهد
سمعت صوتك بيناديني
لما بحر عشقي لقيته راسم
فوق شطه صورتك
لما ناي الراعي غرد بصوت
حزين خوفت جريت عليكي
لما الربيع لون زماني بيكي
بلون الفراش كتبت علي
جناحه اسمك
لما سمعت صوتك بقلبي
لقيتك ورده ناديه
رويتك بسنين زماني
مسحت قلبي من كل
اللي قبلك
وحلفت عمري اللي
جاي هعيشه بيكي
اكتبك شعر واغاني
ارسمك فرحة زماني
افرح لو صوتك ناداني
بكلمة حبيبي وضحكة شفايفك
لاني عارفك وقلبي شايفك
عمر تاني حتي نبضه ملهوف
ياعمري عليكي
لما لقيتك حلم صادق
وقلب بالصدق عاشق
وعيون بتضحك
دمعت عنيه بصيت ورايا
ولعمري قبلك ناديته
الله يسامحك
وبعلو صوتي صرخت اعاهدك
مستحيل هحب غيرك
ياقلب صفاه لون السما
وانا في سماكي طيرك
لقيت صوتك بيندهني حبيبي
عهدي مع عهدك
هعيش بقربك حمامه طايره
تداوي من الزمن جرحك
///////// بقلمي
ليست هناك تعليقات:
إرسال تعليق