الألم
بقلم فؤاد نوح
الألم
لما تبقى العيشة ساحة
من الألم
لما نتلاقى بعد فرقة
نبكي م الألم
لما نبعد تيجي حرقة
تملانا ألم
لما إحساس المظالم
يكسي الملامح كلها
تعرف معاني للألم
لما تبقى اللقمة غايبة
و البطون بتصرخ
م الألم
لما الحب اللي إنت
فاكره طوق نجاة
ينفجر وسط المحيط
تيجي أمواج الألم
لما الغربة تحفرك
من راسك لأسفل جزمتك
ساعتها تعرف
يعني إيه ألم
لما تفتح دماغك
للحقيقة و تبدأ
تبتسم
و يتهيألك إن الدنيا
بادية تتفهم
تلقاك و فجأة بتاخد
بالألم
ف. ن
ما شاء الله يا دكتورنا يا شاعر بكل الآلام اللي إحنا حاسينها... الله الله عليك ...
ردحذف