بحبك يا مصر
.................
بحبك يا مصر
و ما عاش اللى يفرق بينى و بينك
بحبك يا مصر
و ما جاش اللى يبرق فى عينى و عينك
و مهما طال بيا الحزن
مسيرى فى يوم اخدك بالحضن
لا سجن و لا سجان
لا حزن و لا أشجان
إحساس الأمان
زى زمان
يرجعنى تانى لحضنك يا مصر
أعظم و أسمى نصر
اشوفك جنة زى ما كنتى
ان هنا على البشر
ما هنت على الله و لا هنتى
يا ام قلب طيب عمره ما شال
غير الحب و العفو و الكرم
يشهد على حبى الرجال
و أبو الهول و الهرم
حجارة بتحس بينا
يا خسارة ع اللى جرى لينا
..........................
محمد أبوالمعاطى
ليست هناك تعليقات:
إرسال تعليق