#صراع_الاجيال
معانى صعب وصفها
لاحاسيس لسه معشنهاش
لقطات تم حذفها
والفيلم لسه منتهاش
يا دوب بناخد مقبول
ونلاقى وقتنا مشغول
باللى قيمته متسواش
بيعدى الوقت لحظات
وبتتشابه كل الاوقات
واللى نريده لسه مجاش
الف معنى تلاقيه مفقود
واللى بيوجعنا فرض وموجود
نحس بطعم الخيال
ونعيش الفرحه بالجوال
الواقع يبقى عدونا
والخادع يبقى ظلنا
ونعيش ف صراع الاجيال
بنحلم احلام ونصدقها
ونبنى بالاحلام قصور
بس زى حرامى وبيسرقها
وبنحققها من فوق السور
الايد تبقى مش طايله
وعزيمه جوانا ومايله
وصعب احساس المجبور
بنعيش حياه كامله
والحقيقه ناقصها جمله
وهى ان جزء جوانا مهجور
#بقلم: شيماء الدالى #
ليست هناك تعليقات:
إرسال تعليق