(قطر الجواز )
ومين قال الجواز بميعاد
او ان فيه حد فاته القطر
سواء للبنت ولا الواد
ما حدش فينا هيسيب سطر
هنمشى لحد ما نصيبنا
يقرب لينا حبايبنا
ده كل صيام
فيه بعده فطر
بقينا لبعض بنعاير
ونتباهى بجواز وبستر
كإن البنت مفضوحة
حاجات نتنة وجوازها العطر
يا خلق يا ريت تراعوها
تقربوا منها حبوها
واياكوا فى يوم تعايروها
با قلوب تعبانة عاوزة البتر
مصير البنت مش خلفة
وتدعولها فى صلاة الوتر
عاملوها بحب وبألفة
وحبكوا ليها أجمل ستر
واوعوا تقولوا دى تقيلة
او ان القعدة دى طويلة
ده ما فيش حاجة فى اسلامنا
بتقول ان الجواز بالقطر
ليست هناك تعليقات:
إرسال تعليق