سيد الطعمين
مين في طعامتك مين
ياطعم ياسيد الطعمين
مافي حد ياواد في جمالك
في الجان أو بني آدمين
تشهد عينك والنني
والرمش إللي مجنني
والمشية إللي بتتمختر
بتقول مين أجمل مني
لو ميلت يابو الحلوين
الفل مع الياسمين
يتمايلوا معاك ويغنوا
ويزهزهوا في البساتين
تعلالي ياواد تعلالي
وإنزل م البرج العالي
لو أدوق في هواك المر
مرك ياجميل يحلالي
لو مرة ياحلو تطل
يابو قلب أبيض م الفل
أشيلك جوه عيوني
ياواد إنت ياسيد الكل
ندر عليا إن جيتني
ومهما ياواد وريتني
ماهقول الأه لو حتى
على نار هادية وسوتني
ياجميل أنا دايب فيك
وبموت في تراب رجليك
تعلالي ياواد تعلالي
وطاوعني الله يهديك
بقلم طارق السيد
ليست هناك تعليقات:
إرسال تعليق