هذه القصيدة كنت قد كتبتها للدكتور عصام شرف وقت ان ان كان رئيس مجلس الوزارء أبان أحداث كنيسة إمبابة و محاولة إيقاع الفتنه بين شركاء الوطن
و ها أنا أقوم بنشرها ثانية فى أعياد شركاء الوطن أخواننا المسيحين فإننا فى وطن واحد لهم ما لنا و عليهم ما علينا
فعلى هذه الارض تربينا و من مائه شربنا و منه ترابه تغذينا و فيها سندفن جميعا .....
أصحوا
يا شبابنا اصحي وفوق
و أوعى بالفتنة يفرقوك
يا شبابنا اصحي و فـــوق
لحد الأزمة دى ما تــروق
يا شبابنا بص و شـــــوف
الجاني باين ع المكشـوف
شويه منهم و شويه منـــا
عصابة العادلى و زكريا
نجاتهم بالفتنة دية
و متنسوش بطرس غالى
في الغربه عمال يلالـــــى
خايف ينكشف المستـــور
قال أولعها قبل الــــــدور
و أوعوا تنسوا الشِــريف
إلى عمره ما كان شَريف
و الاسامى أكيد كتيير
و ماتنسوش الكبيــــر
إلى في شرم عمال يهاتي
على راح والى أتــى
قال قبل متييجى البدله الحمرا
أخلى البلد حتـة جمره
يمكن ساعتها كمان ينسوني
أو للقصر يرجعــــوني
يا شرف خدها نصيحة
قبل ما تكبر الفضيحـة
خلى أديك من حديد
حتى تطمن الشهيــد
إن دمه مش ببلاش
والى عاش أكنه ما عاش
و يا شيوخنا يا عقلين
حكموا العقل ويا الدين
بطلوا تصاريحكم النارية
حتى تِهَدوا الفتنة دية
و يا أخونا يا نصارى
يا سٌكًنَا في العمــــارة
ما نعرف بطرس من محمود
أو غالى من عبد الودود
سكنين معانا و وسطينا
و جوا قلوبنا و في عنينا
لو تعرفوا مين جيين
يفرقونا باسم الديـــن
روحوا اسألوا بن ياميين
ما هزمونا بالحروب
و لا بسدود الجنوب
قالو المصري ده حمار
بأيده بولعها نـــــار
اسمعوني و سمعوهم
بالغيظ حنولعـــــوهم
مسيحي وافق على بابي
يحميني و يحمى أحبابي
و أنا معاه يوم العيد
أزوره و أكون سعيد
يا بطرس يا عمى حنا
بلادنا للكل جنه
أمريكا مش آله
نشتكيلوا و نقول الآه
أمريكا عدوا للكل
لو تدخل حتزل الكل
أمريكا دى أم رابيين
عنيها على الملايين
فين العقل و فين العين
و العراق راحت فيــن
و اسألوا أهل فلسطين
عن مكايـــد أم رابيين
حتى كمان في لبنان
فرقت بين الإخوان
و اسألوا كما عنان
ليه في الحق كان جبان
أمريكا هي الشيطـان
إلى ينخور في البنيان
عمرهم ما يحاربونا
و ف الفتنه يوقعونا
و ييجوا عاملين ملايكه
و ويقولوا عايزينها رايقه
حييجوا بقلوب خبيثة
بحجه حماية الكنيسة
عايزنا زى السودان
أو صورة م الأفغان
انشروا يا أخوان
عشان يفوق النعسان
و يعرف خطة كل جبان
#أشعار كرم محمد
ليست هناك تعليقات:
إرسال تعليق