غير تفكيرك
المرأة مش حبة فخاد
ولا حمل وتجيب ولاد
المرأة مش حمرة وخدود
أو حجم معين في النهود
المرأة مش نفخ الشفايف
أو جسم ممشوق وطايف
مين قال مقياس الست الكعوب
أو هي مخلوق منحل ولعوب
البنت مش تخطيط حواجب
ولا تفريطها بشرفها واجب
الأنثى مش توقيف الرموش
أو لوحة زوقوها بالرتوش
البنت مش وسع العيون
ولا لحم من تحته دهون
البنت يا عاقل مش بهيمة
أو مخلوق مالوهش قيمة
ولا هي شهوة جوة سيمة
المرأة مش فريسة
أو بنت ناس خسيسة
مين قال البنت فار
مذلول خلف الجدار
تفترسه ليل نهار
مين قال البنت شهوة
تاخدها وقت سهوة
البنت أختي وأختك
بلاش تقل بختك
الأنثى أمي وأمك
هيجيك الموت يضمك
في ست بألف راجل
خليك وياها راجل
البنت بنتي وبنتك
إياك تقل قيمتك
الأنثى بقت وزيرة
كمان فيه سفيرة
في بنت تفكيرها ذرة
بيحترمها الغرب برة
في الطب فيه طبيبة
ناجحة دون أي ريبة
المرأة أكفأها مدرسة
لأولادنا مؤسسة
بلاش شغل البهايم
مين قال المولى نايم
عصام الباز
ليست هناك تعليقات:
إرسال تعليق