قلب وراح
بقلم الشاعر / طارق العيسوى
=======
لسه ما شبعتش ياقلبى
حزن صاحبك من سنين
جاى تسأل عالسعادة يعنى ايه
هى حدوته قديمة اصلها فى كلمتين
الحبيب ويا الحبيبة بالهنا متجمعين
زى ما حكيت ياشاعر
عن بهية وعن ياسين
اسمع الاهات تعالى
بكرة تحكيها انين
ادمعى ياعين وجودى
دمعتك فين من سنين
بس ياريتنى كنت شاعر
او شربت من المشاعر
ولا صابنى حب داعر
يحرق القلب بحنين
ده مرار الهجر واعر
مره طافح -- مره طالع
للسما لآحر مدى -- لحد فين؟؟
لما ضلم على نور العاشقين
ارحموا الفلب اللى فاكر
ان حبيبه عامله خاطر
وان حبه لسه عايش
وان يوم الوصل باكر
والفراق مش للحبايب
اللى حبوا بقلب دايب
ده الفراق للميتين !!!
---------
طارق العيسوى
ليست هناك تعليقات:
إرسال تعليق