بحبك يامصر
بقلم الشاعر / طارق العيسوى
بحبك يامصر ضحكاية
ومية فلة وعنباية
بحبك حتة جوايا
خضار طارح وضلاية
بحبك ياما ياحكاية
حكاية شعب بيكافح
بيغلب همه ويناطح
يعدي الصعب بمراكب
مراكب صبر تتواكب
يوم ماشي ويوم راكب
واهي جاية الفرحة بمواكب
وزينة وطبل وكهارب
خلاص يامه شرق فجرك
علي ايد ولد عاشق طهرك
شق القنال سند ضهرك
وكانت دعوة واذن ربك
انزاح الهم اتعوض صبرك
.....
بحبك يامه ضحكاية
ونخلاية ونبقاية وعنباية
بحبك ياما ياحكاية
..... .
طارق
ليست هناك تعليقات:
إرسال تعليق