تـــرنـــيــمـــات إبــــداعـيـة
,,,,,,,,,,,,,,,,,,,,,,,,,,,,,,,,,,,,
بقلم الكاتب / عبدالمجيد الديهي
,,,,,,,,,,,,,,,,,,,,,,,,,,,,,,,,,,,,
زمن عجيب
,,,,,,,,,,,,,,,
زمن عجيب
فيه البياع نصاب
ومنصاب
في عقله
وإيمانه
فاكر
إن الدنيا
بَقْيَا لُُه
مريض
ولامم فكره
في حجره ودكانه
فرحان
بالنصب والإحتيال
وسرقة الميزان
وعمال يجمع
حلال علي حرام
دوشة هوجة
مهووسة
ساكنة
في دماغه
من ريحة
مال ورق
مالوش
تلت تلاف
لازمة
عمال يشط وينط
ويقطع بالسكين
ويحط
فرافيت حلاوة
لأطفال
بطونها جوعانة
يا حبيب قلبي
الشبع دلع
والجوع كفر
والرحمة مطلوبة
لأطفال اليتم
إلليّ أكل
منهم العم
حقوق الأب
ومات الحب
في قلب الكل
من أهله
خليك أمين
خليك رحيم
دا سر الحياة
أمل . محفور
في الألم
والجشع
بلاش منه
دا الرزق معلوم
مكتوب وموزون
وعنوانك
مش هيتوه عنه
خليِّ القناعة
دينك وعنوانك
دا الطمع
جشع
والربح بقدر
مكسب كبير
مش خسارة
وأوعي تنسي
إن الدنيا فانية
والذكري باقية
والرزق مقدَّر
ومكتوب
وهيخبط
علي بابك
ومش هاييجي
الموت
إلا بعد الفوت
ووصول الرزق
في حجرك ودكانك
وأوعي تنسي
إن الدنيا لاتِسْوَّي
وزن ذرة
ولا ثقل
جناح بعوضه
في مقلب زبالة
دا اللمسة
علي رأس اليتيم
بسمة
وكنز مِتْحَوِّش
ومتغلف
برضا الرحمن
ويا بخت
إللي فهم الكلام
واكل بالحلال
وكسب رضا الرحمن
وسبح الديان
وزرع في الجنان
بحروف الأبجدية
حدائق عنب
ونخيل ورمان
وشيد قصور
من لؤلؤ ومرجان
إسمع
يا إبن الحلال
آن الأوان
تلم كراكيب
أفكارك
وترجع لربك
يمكن أمك
دعيالك ؛
.
وعجبي ؛
,,,,,,,,,,,,,,,,,,,,,,,,,,,,,,,,,,,,,
.
بقلم الكاتب / عبد المجيد الديّهي
جمهورية مصر الـــعــــــــربية
من ديوان ؛ ( ترنيمات إبداعية )
..... تحت الطبع ......
.
,,,,,,,,,,,,,,,,,,,,,,,,,,,,,,,,,,,,,
ليست هناك تعليقات:
إرسال تعليق