يا طير يا طاير
بقلم الشاعرة / سعاد الزامك
***********
يا طير يا طاير فـ السما
خايف كده مني
دانا كنت يوم طيرك
و انت بجليبي متهني
فرشت لك غية
بفرش حنية
طرت مارجعتش
يا ضي فـ النني
دوبت شوجي في ريشك
حلمت تفوت يوم طيشك
و ترجعلي متحني
تعبت من غُلبي
نسيت تسيب جلبي
من غير ماتألمني
عمرك ماجدمت اعتذار
غيرك يجرب ليل نهار
و مافيش غير حبيبي
يحوم فـ جليبي
و يكون له مطار يطمني
و غيره انشه
و اهدم عشه
لا يمكن اغشه
مهما كواني الانتظار
و إلا حبيبي خذلني
بحب ادندن بـ كلام
يجلب ليلي صباح
اشعر كمان بالشوج
يفرد عليا جناح
من ورد بيحني
خدي كما التفاح
اصحى من نومي
ازعل لو حلمي راح
حول نهاري ليل
جَلِب إل جراح و جلجني
إياك تجول انك نسيتني
بعد ما اشتكيت لكل انسي
و كل جني
جاي تجول نسيت
حنين الذكريات
الـ راح و الـ فات
تبجي صحيح ما غاوتني
اوعي تنكر إني
كنت لك حنان
كنت طيرك من زمان
و انت عشي و بِني
كنت لك وحدك بأغني
و انت اللي بعت جبل مني
مالجيت في غدرك إلا الهوان
و هربت منك جَبْل
مايضيع مني الأمان
كل ده كان غصب عني
انت بهجرك ليا كنت الجاني
و انا اللي كنت .. عليا مجني
سعاد الزامك
ليست هناك تعليقات:
إرسال تعليق