موت بطيئ
بقلم الشاعر / أبو عمرو الريشى
لا أنا عايش ولا ميت
حسيت معاك بإحساسي
بأنفاسي
لما تتسرق مني
لا راضي الموت
ياخد روحي ولا يسبني
معاك بموت ومستني
موت بطيئ.!!!
بياخد كل افراحي
بيبدل فرحتي حزني
وأنا وياك
بموت في اللحظة
ميت موته ومستني
معاك عايش
بس مش عايش
وخايف تبعدي عني
وجمع كل ده في إحساس
لو أتسبب في أحزانك !!!!
يااااااااااه
يغور الحب وإحساسي
لو أتسبب في أحزانك !!!
أكيد عارفه
وأكيد فاهمه ومش مني
فالو سبتك.ماتلومنيش
أكيد راح يكون موتي
راح يكون وأنا عايش
موت بطيئ بيألمني
فاسامحيني
يا أجمل شيء
راح أبعد وأنا عارف
وأنا في بعدك
وأنا في قربك
أكيد راح أموت.موت بطيئ !!
...................
ابوعمرو الريشي
ليست هناك تعليقات:
إرسال تعليق