الحمد لله ساتره شعري وفخوره
بقلم الشاعر الكبير/ نعيم أنور
الحمد لله ساتره شعري وفخوره
يمكن خصله باينه مش مستوره
لزوم الربطه ماشيه مع لون التنوره
الدين قال يسر وهي مش معسوره
ولو البلوزه اكمامها مش ماسوره
الدين أباح تبان ايدك لحد الكشتوره
ولو ضيقه حبه ومن الصدر منطوره
الايشارب يغطي وحاتبقي مستوره
والجيب مالوش دعوه ابدا بالحجاب
وخلي اللي يبص في عنيه ينصاب
ايه يعني لما تكون مفتوحه من ورا
دانا حته طويله و بيضا وزي السكره
والكعب العالي واللون اللي يحلالي
اللي يمشي ورايا يمشي وانا مالي
هو الادب يقول تعاكسوا ولاد الناس
صحيح الشباب ماعندوش احساس
ايه اللي اعملته عشان يبصوا بصه
وده يقول حكايه والتاني يقول مزه
دول مش عارفين العيب و دينهم ايه
يتحرشوا بيه ويمسكوني هو انا ايه
دانا متحجبه ومتحشمه ياولاد الايه
واعمل فيكم وفي نفسي ايييييييه ...........Naeem Anwar............
ليست هناك تعليقات:
إرسال تعليق