سألونى بتحبها ؟ بقلم الشاعر / عادل الشهابى

سألونى بتحبها ؟

بقلم الشاعر / عادل الشهابى

=======

بتحبـــها

سألونى بتحبها ؟.....

وعاوز تعيش عمرك جمبها؟.....

قولت أكيد لأن مفيش زيها ...

هى الوفا هى الحنان ..

هى البسمه فى كل مكان ...

من لمسه إديها بدوب ...

وبسمتها تسحر قلوب ..

معاها بحس بأمان ...

وحبها يشبه بركان ...

وطيبتها مش موجوده فى إنسان ..

هى اللى أنا بتمناها ..

ولو ليا 100 عمر أقضيه كله معاها ..

دى حبيبتى وساكنه فى فؤادى ...

وأتمناها أنا أم لأولادى ...

بحبها ؟ لا .. بعشقها ؟لا.. أكتر بكتير ..

دى هى على عرش قلبى ملكه وأنا على قلبها أمير ..

وهى اللى عليها من النسمه بغير ...

دى هى الحنان هى الأمان هى أم قلب كبير ..

يا ناس صدقوا كلامى ...

دى هى الحقيقه فى أيامى ...

وهى الحلم فى منامى ..

تايهه أنا بين حروف الكلام ....

مفيش كلمه تعبر عن الشوق والغرام ..

عاوز بكلام الغزل عليها أفرد قلوعى ...

وبحُبى ليها اكون الفريد من نوعى ...

حبيبتى تعالى نعيش أيامنا ..

نحلم ونقوم نحقق أحلامنا ...

بحبك انا وبهواكى ...

والكل عارف إنى عايش جواكى ..

وعارفين إنك كمان ملاكى ...

بحبـــــــــك ..

بقلــــم : عــــادل الشـــهـابى