رايح فين
بقلم الشاعر / طارق السيد
=======
رايح فين ولوحدي سايبني
ياللي جفاك في هواك غلبني
ماليش انا غيرك يسأل عني
في خوفي يطبطب ويطمني
رايح فين ياضي العين
وسايبني مابين شكوتي ودموعي
رايح فين ياحبيب القلب
وسايب قلبي حزين في ضلوعي
رايح فين وسايبني لمين
قوللي لمين ؟ لعزول شمتان
ولا سايبني ياروحي عشان
تكويني الحرقة بنار الفرقة
ولا عشان دايب دوبان
وأنا حتى بدوب مش قادر أتوب
ومين تاب عن حب المحبوب
رد وقوللي بكل صراحة
هل هتلاقي في بعدي الراحة
راحة من إيه ؟ من دوباني فيك
ولا عشان مسحور بعنيك
الفرقة ياروحي هتسرق عمرك
يتسرسب من بين أياديك
تندم على أيام عيشناها
وأيام جاية ياروحي حشناها
تنادي وأنادي مانسمع بعض
نغرق دوغري في بحر البعد
بقى دا يرضيك ترمينا بإديك
في البحر إللي مفيش منه نجاة
إرجع ليا الله يهديك
تعالى ندوق م الحب حلاه
بقلم طارق السيد
ليست هناك تعليقات:
إرسال تعليق