ضارب الف بوز
بقلم الشاعر / عزت عبدالسلام
========
ماشى ضارب الف بوز
والدنيا عاقده عقدة لوز
دايما فى وشى مكشره
قافشه وقاسيه محجرة
ومن الهموم بقيت عجوز
شاب لسه بس شايب
طول بعرض بس خايب
ماشى زى طيف خيال
فوق دماغى حمول جبال
وفى الحياة معيوب وعايب
راضى باحسن من مفيش
ايوة شايف شيش وبيش
ويوم ماشى وكتير بعكز
نفسى بس افوق اركز
نفسى بس يومين اعيش
دنيا زفت و حالها كرب
فوق دماغى نازله ضرب
بس عادى كتير بطنش
ولو بايدى منها اطفش
دنيا عالنه عليا حرب
انتى فاكرة انى قدك
نفسى ابوس راسك وخدك
بس حسى مرة بيا
عاملى امى بانسانيه
وابقى انا خدام سياتك
شيلى امى من دماغك
لاكتب بايدى قرار وداعك
بس هبقى مت كافر
يالهوى منك ااه ياساتر
نفسى ارتاح من صداعك
مبقتش فارقه خلاص وتولع
زهقت احايل اه وادلع
هعيش وزى متبقى عيشه
من زمان عملانى طيشه
ونفسى منك ايوة اخلع
نفسى بس تجينى فرصه
واقرص امك الف قرصه
واديكى الف صباع ف عينك
واكسر شمالك اه ويمينك
وبعد كدة من حلمى اصحه
اشعار عزت عبد السلام
ليست هناك تعليقات:
إرسال تعليق