فرصة ...تانية
بقلم الشاعر / محمد الباشا
بس ممكن فرصة تانية للعتاب
فرصة واحدة لاجل أقدم اعتذار.
سهم حرفك استقر ف قلب طاب
خللى قلبى يبكى دمعه بانفطار.
والحكاية حب واصل ...للسحاب
كان تمللى يلوم عيونك ليل نهار.
قلت أخبى الحب عنك ..بالغياب
قلت يمكن بعد غيبة تطفى نار.
لما غبت وروحى غابت ف ضباب
والبكا غير ملامحى ....بالغبار.
والندم زود مجارحى ..والشباب
شابت عيونه فى التمنى بافتقار.
كتبت ليكى سطرين فى الجواب
واعتذر يمكن ....يكفيكى اعتذار.
الحكاية غصب عنى ...والصعاب
لو تسمعينى هاتحسي ...المرار.
عمرى يوم ما بعت ....احباب
ولا خنت خاين ولا ...كان ليا طار.
جى أرجوكم سماح بعد الغياب
والسماح عند اللى قادر.. انتصار.
محمد الباشا
ليست هناك تعليقات:
إرسال تعليق