ياااااااااااااااه يا قساوتك
بقلم الشاعر / محمد البنا
وانت بتطعن قلبي بشكك
ده أنت نسيت إن أنا انسان
لحم ودم
ومش مسموح لك
كده ببساطة ....
تمسح إيدك دمعة فرحي
وتجري بدالها دموع أحزان
مش علشان القلب ما حبك
تقتل فيّا ف كل آدان
أو ...تجرحني
كنت صارحني وقول بهداوة
أنا مش ليك
مش تخدعني
وبيني خيالي قصور حواليك
وأوهب ليك
كل ثواني باقية ف عمري
ياااااااااااااه يا زمان
قاسي بطبعك
بتقيد شمعك
شمعة بشمعة تزيد ف مشاعري
فاطمنلك وافرح بيك
تجري عليا
وكل ملامحك ناضحة بفرحة
وانت شايللي كفن ف إديك
ونا ماآمنلك...واثق فيك
واثق إني بجد حبيبك
زي ما قلبي حبك واكتر
ولا يوم فكر
إن بشكك تنسى مشاعره
لآ وتهيني ....
كان على قلبي أهون إني
أموت بإديك
وتبقى عنيك ....
آخر شئ ف حياتي أغمض
عيني عليه
روح ربنا من كرمه يسامحك
ونا صدّقني
عمر القلب ما يدعي عليك
علشان بعدك...مبقاش قلب .
ليست هناك تعليقات:
إرسال تعليق