لحظة خيال
بقلم الشاعر / ابراهيم فهمى
=========
كل شئ فى طريقنا صعب
حتى غربه وارتحال
بلقى كل الدنيا توهه
لكن أفرح عندى قلب
بيه قدرت أعرف طريقك
واوهبك إحساس وحُب
عارفه لما تلاقى نفسِك
بعد وحده كتير زمان
عارفه لما الدنيا تصبح
غنوة معزوفه بحنان
أنتِ عندى كل حاجه
بيكى بسكن ع السحاب
لما بلمح نور عينيكِ
بنسى يوم شفت الصعاب
آه لو أقدر أخطفك
بعد كل الكون بعيد
وارسمك نجمة تنوّر
للقريّب والبعيد
آه لو أقدر يوم أطير
وابنى عش يكون جميل
وافرشه بالحب مره
والحنان والأكاليل
آه لو اقدر
آه لو أقدر
بس آه منك خيال
كل حاجه فيك جميلة
وهى صعب من المحال
بقلم / إبراهيم فهمى المحامى
13/12/2015
ليست هناك تعليقات:
إرسال تعليق