إزاي أنساك
بقلم الشاعر / طارق السيد
=========
قوللي ياخلي إزاي أنساك
واللي شاغلني بس هواك
قوللي إزاي أقدر ياحبيبي
وانت عارفني ماليش إلااك
قول ياحبيبي ياللي داريبي
إذا كنت ما ليا ولا نصيبي
إذا كنت نصيبي أنا هستناك
لما تجيني أسعد بلقاك
وإذا كنت ماليا أنا هيعد عنك
هبعد لكن مش هنساك
غصبا عني ومش بإديا
دا قلبي إللي بيتمنى رضاك
هو إللي بيتحكم فيا
ومخليني مش قادر أنساك
ياما عاتبته وقلتله ليه
رد وقاللي أنا دايب فيه
هو النبض إللي بعيش بيه
وكل دقة بتنطق إسمه
زي ماعينك دايبة ف رسمه
قلت إستحلى ياقلبي عذابك
مش هيخبط يوم على بابك
مش هتنول غير بس آساه
رد وقاللي كفاية عليا
إني أحبه ويقسى عليا
أنا عمري مادقيت يوم لسواه
قلت خضوعك قاللي عاجبني
قلت خنوعك قال مناسبني
قلتله ذلك قاللي فداه
عرفت ليه مش قادر أنساك
علشان عيني أنا مش نسياك
وإنت ياروحي لقلبي دواه
بقلم طارق السيد
ليست هناك تعليقات:
إرسال تعليق