فاضل كام ؟ يدوب ساعات و لا أيام
بقلم الشاعر / شعبان مكى
==========
ونبدأ سنة جديدة نتمنى فيها الإحلام
نتمناها إن إحنا نعيشها
نشوف الفرحة و إحاسيسها
لإحسن الإحزان جوانا خلاص
م كتر ما حفظها بندرسها
أنا عارف إن كله بيحلم
إمتى نفوق . الله إعلم
بينى و بينك حلمنا كتير
كل سنة نقول لا ده كتير
و نعيش نحلم بالتغيير
نفوق قال فجأة ع حقيقة
هتعملك إيه ده الدنيا بريئة
أنت اللى ماشى و بتحلم
بينى و بينك كلها إحلام
و إحنا بجد إخرنا كلام
إسكت بقى و سيبنى إنام
حتى الحلم بيجي مش كامل
بقعد إستنى لحد الإخر
يمكن إفهم و إقدر إفسر
ف الإخر بطلع واد فاشل
حتى ف الإحلام متكاسل
و إرجع إقولك سنة سعيدة
و سنة جديدة
إيه الجديد اللى حصل يعنى
تقدر تقول دى الحلم ال كام
تقريبا دى الحلم العاشر
اللى أنا فاكره ف 2015 !
كام حاجة حلمت وإتمنتها
إتمنيت حتى إشم ريحتها
كام حلم صحيح متحققش
قول إيه بس اللى إتحقق
دى الحقيقة و متستغربش
كام واحد كان قريب و إتفرق
يا خسارة الصبر مستحملش
و عليه الظروف بتتضيق
ع العموم مش هحلم تانى
إحلامى لسه هي هي
لسه واقف و ف مكانى
مستنى ف السنة الجاية
الإمانى اللى متحققوش
و اللى راحوا و مرجعوش
مستنى حلمي اللى مشفتهوش
............................. ف 14 / 12 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق