قصيدة / حكايتي مع امى
لو حبيت احكي عن امى ابتدى منين الحكاية.
لو حبيت احكي عن امى ابتدى منين الحكاية.
أصل قصة حبى لامى ليها اكتر من بداية.
قصتي مع امى ابتدت مع أول حضن ليها.
ابتدت مع أول نظرة ليا من عينيها.
مع أول لمسه من أيديها مش نسيها.
علمتنى فى مشيتى انى امشى تاته تاته.
وفى حياتى أبداً مقدرش أبعد عن تلاته.
حبى لربى وتراب بلدى وكل اسرتى .
وفى عيدك ياامى ياغالية بهديلك محبتى.
مانتى عيدك ياامى هو يوم عيدى .
يالى دمك لسه بيجرى جوة فى وريدى.
لسه ياامى صورتك فى عيونى مرسومة.
واحنا فى السهرة بنتفرج على سومة.
وكنت بشوف الدمعة جوة فى عيونك.
ولما كنت اقول إلاه تقولى يارتنى مكانك.
عودتينى ياامى على حبك وحنيتك.
حسستينى أن الدنيا دى دنيتك.
كنت ساعات بحس انى عود ريحان فى بستانك.
وساعات بكون زرار الماظ ينور ليكى فستانك.
فى يوم عيدك ياامى بهديلك بستان ورود علشانك.
وعارف انك فى الجنة ومش محتاجة لورودى.
انا اللى محتاج منك بوسه زى زمان على خدودى.
شعر/كمال البنا
ليست هناك تعليقات:
إرسال تعليق