البداية والنهاية:
البداية والنهاية لك وآخر كلامي
حتى الحرف والمعاني وكل صوره
البوح والشوق والحنين والهيامي
طريق اختاره قلبي وصعب عبوره
يتوه حالي وتختلط علي الأسامي
أشوفك بيها كلها وحالتي معذوره
غرالتي من بين المهات والأريامي
تختلف في جمالها بالعين ونحوره
نذرت حرفي لها وعلي صار لزامي
همس الصبح وبوح الليل وتعابيره
تظل في البال وإن غابت هي أمامي
علموها هالحال عساها تظل مسروره
أنا ونيسها والحشا منزولها والخيامي
تجي تشوف غلاها ولاتظل مغروره
تدري لوصلها دوم مشتاق وضامي
الجفا يتعب الحال وصعب جوره
ساهر الليل وفزت عين ماتنامي
السؤال والجواب عند القلب وشوره
في مثل هالحال مانلت منها مرامي
تملكت العين والقلب وحالي وطوره
داخلي يرتجف من برود وهم ظلامي
مع شعور يلتهب بالحشا يكوي حروره
وش تريد بعد أكتبلها لاوراي وقدامي
غير البوح وجيرت لها كلامي وبحوره
شلال الوصف يغدق علي ويظل طامي
شبيه مزون الشتا من تهل وتفيض نهوره
سهم الوصل شديته وماني للقوس رامي
ملزوم أصوب ناح دلاله للغاية والضروره
مرتاح في كل همسة وشعري مدامي
مايمل من رسايل من نفس راضية ومسروره
@عزالدين الحميري@
دام هذا الصرح الراقي لكم مودتي واحترامي
ردحذف