صرخة وطن
وطن وفوق كتافه شايل
م الهموم أصعب حمايل
والسبب ياجهل منا
لما دوسناه غصب عنا
أو عن قصد م اللي خان
لما وطنه عنده هان
الجهل مش زي الخيانة
لكن النتيجة واحدة
جن حضرناه وجانا
ياللي خنتوا قلوبكو جاحدة
هدمتوا في جدار بيت أوانا
مبني بعزم في كتف وحدة
ياللي ضليت الطريق
الوطن منك برئ
زرعت أرضه بس شوك
رويته بس بدم أخوك
ولما حان وقت الحصاد
حصدت إيه غير السواد
فادك بإيه من أوهموك
هدم الجدار هو الجهاد
ياما قبلك إتفتن
من شيطان مالوش وطن
شيل من قلبك السواد
وإعرف إيه معنى الوطن
الوطن مش بس كلمة
الوطن يعني إنتماء
يعني لو لقيتها ضلمة
قيد شموع تنشر ضياء
بقلم طارق السيد
ليست هناك تعليقات:
إرسال تعليق