مات الكلام
والسكات اصبح كلام
اصبح ملام
والدنيا ايه غير كلمتين
اااه ,,, وليه
الاه بتجرح م السكات
فى القلوب
تسكن الاحزان
تأبى الخروج
وفى العيون
ليل طويل
حالف ما يظهر له نهار
قهر وعذاب
ونوم مخاصم الجفون
والبسمه غريبه
ع الشفايف
وقلبى من العذاب
خايف
من دمعه ملياها
الجفون
وليه ,,,,, ااه وليه
سؤال محتاج جواب
وانا فكرى داب
مش لاقى ليه جواب
ليه بنهجر ليه نخاصم
ليه بنبعد ع الحبايب
ليه الدنيا مغربانا
ليه بنبعد عن هوانا
واللى فاكرينه معانا
نلقاه بعيد عن سمانا
ليه حد عنده جواب
ولما تاه منا الجواب
قلنا مات الكلام
ومات القلب
م السكات
احمد سليم
ليست هناك تعليقات:
إرسال تعليق