قعدت افكرأكتب إيه ........... عن الأزمة اللى شغلانا.
واجيب ف كلام وارتب فيه ... ونفسى عليا صعبانة.
لقيتنى فوسط اللى انا فيه .... من النخبة بقول يانا .
عقول تيهة وتعمل إيه ......... وناس ضمايرهاغفلانة.
وكاتب ناس تقولله يابيه ...... وعمره مكان ويانا .
وهو له غرض مداريه .......... فاكر قراؤه غفلانة .
ولما نقول بيكدب ليه .......... جماعته تقوم معيرانا .
نقول لله بتعايرنا بإيه ............ يقول قلمى بيحميكم .
نقول لله انت عايز إيه ........... يقول ابقى إمام فيكم .
طب ليه تعايرونا ........ وليه عايزين تبكونا .
لو بالفقر تععايرونا ...... د ففقرنا غنانا .
عشان عارضناكوا ........ بتغلطوا فينا .
لو جينا وياكوا ............ هتقولوا ايه علينا .
لما عرفناكوا ............... بان شركوا لينا .
كل اللى جه معاكوا ...... طابور خامس يخون فينا .
بتتعالوا على مين ......... ع العرف والقوانين .
ريشة وتاج طالبين ....... دا مخدنهوش دارسين .
ف أى عرف ودين ......... قولولنا مثلكم مين .
مين بيساندكوا مين ....... بتميلوا لمين مع مين .
ف أى عرف وأى دين ...... يعاير الشريف حاقدين .
تعايرنى بأنى بسيط ........ د دليل شرف ياعبيط .
انافلاح بروح الغيط .... بعرقى ف أرضى خيربيفيض.
تعايرنى بهدف تحريض......عشان اقعدمرحش الغيط.
تعايرنى لأنى فقير ......... ياللى من وعى الفقيربتغير.
رغم بساطتى وعيى كبير....وعمرى فى ركابكوا مسير.
تعايرنى تهاجمنى ............ بخسة وجهل تظلمنى .
عامل أستاذتعلمنى ........... أقول الوعى تشتمنى .
بتعاير ف مين وبإيه.......... داحنا عملناك بيه .
تعايرنى بأنى شريف ......... وتبدل الحقيقةبزيف .
بتقول كلام تخاريف ......... يامحتف تزييف .
هتعاير بإيه تانى .............. عالشعب قول جانى .
عالشعب قلت جناه ........ ونسى جمايله عليه .
والجيش وقلت عصاه ....... وقضاءنا سايبه ليه .
غلبان ياحول اللاه ............ الشعب كله عليه .
كداب وطبعه غواه ............ ف ضلاله نعمل إيه .
بيهين ف خلق اللاه ........... بعدمعملوه بيه .
واللى يخالفه هواه ............ بابشع صفات يرميه
خسيس وجبنه رماه .......... ف ضلال باين ف عنيه.
اناكنت فاكره أمين ...... طول مالقلم ف إديه .
عامل إمام المثقفين........وفعله وكلامه شاهدين عليه.
هو وصحابه مضللين ... كل كتابتهم كلام كريه .
خلايا نايمة ومتلونين .... ليهم هدف بيسعوا ليه .
جوةصدورهم غرض دفين
مع الشيطان ياماحلموا بيه.
فى خدمة عدانا متعاونين
يبيعوا الوطن والشعب فوقيه.
بتعاير فى مين ............ ياللى انت بتعاير .
بتعايروا شعب عظيم .... لابيهادن ولايساير .
أشرف مافيكوا لئيم ...... خدعنا وعمل ثاير .
استغل حشد كريم ........ عليه ف الثورة يتآمر .
وكل لئيم وراه تنظيم ..... بالوطنية يتظاهر .
فينا كتير مساكين .......... ليهم الشرف آمر .
بتقولوا مصريين ............ لتصديقكوا منش قادر .
هو انتوا أولاد مين ......... فى بلد جبنكوا نادر .
متقولوا جدودكم مين ..... فى شعب عليكوا صابر .
انامش هقول خاينين ...... وفيكوا الشريف غادر .
مطلعتوا كدابين ............. وبقى كدبكوا ظاهر .
بتكدبوا على مين ........... وتقولوا بنتظاهر .
فى النصب محترفين ...... وملكوش رصيد فاضل .
كنتم زمان قادرين .......... على خداع جاهل .
وساعات باسم الدين ....... كان الخداع ساهل .
وبقيتوا مذعورين ........... من حق بان ظاهر .
وصبحتوا مكشوفين ........ إن انتوا على باطل .
طب مين يعاير مين ......... يعاير الشريف سافل .
ومين يصوب مين ........... حق يصوبه باطل .
الحق دنيا ودين .............. إسم لإلاه عادل .
فى كل شرع ودين ........... الحق يزهق الباطل .
إصحى وفوق ياحزين ....... دانت ف خطر سافر .
زمان خدعتونا .......... بكدبكوا علينا .
والأمس بعتونا .......... وتقولوا أهالينا .
واليوم تعايرونا .......... بعيوب ماهش فينا .
وانتوا اللى أذيتونا ...... فى شرفنا طعنتونا .
أشرف بيومى البديوى
ليست هناك تعليقات:
إرسال تعليق