أظنـــون !!!
______
أحبكم ؟ ما أحكم ؟ حفنة أظنون
مثل مد وجـــزر ودمــوع
وعيون
وخرز سبحه تفـرط بيـد سكران
أنكَطع خيط أللضمه ابليل
مجنون
شيلم الخــرز من تعصف الريح ؟
يصــعب لم خرزهـــــه
يلتلمون
العمر ناعوريسكي نبتت الروح
أنهدل حيل اليـــــــفره
يلتزرعون
غرني دفكَـ مايه وانتـــه عالبــال
واحسك حلم وردي بين
الجفون
وشل دمع عيني وسووََ نهــــران
فراتين أبوجن والوجــه
محزون
وذبحنـي االآخ والدلال بيـه نــار
ومر بيه برد لا كَيض
مسنون
صيهودك محل ما بيه كل فيـض
اشوكت خنيابكم يلفي
وتمرون
ليـش أفعــالكم وياي بــس شيــن
وين الزين عدكـــــم
يلتجذبون
وتمنينــه يمرنــه أشـراعكم يـوم
يجدم يمنه وعلينــــه
تنشدون
أحبكم موش ذنبي الذنب من هاذ
تولع بيـــكم وأنتـــم
تبعدون
منهو اللام عاذل يلغـط أبلـــــوم
خل تحجي العواذل خــل
يلومون
______________________________
الشاعر/ فالح حسن الجابري فالح
___________________
8/2/2018م
ليست هناك تعليقات:
إرسال تعليق