قلبي وصبره:
من تجي عالبال حالي كله مسره
يبان رسم وجهي ولايظل خافيها
ذاك الشعور يتكرر من فترة لفتره
رغم عزت نفسي الود ودي أدانيها
حاولت أتجاهل احساسي كذا مره
يشدني غلاها ويزود علي تغليها
الخيال عندي فوق ماتتصوره بالمره
يطوف داخل دارها ويلف بحواريها
ريمتي معسولة الخد وللشعر غره
مالها مثيل وسبحان الخالق باريها
تتجاهل الوصف وحرفي وسطره
كلامي يدق باب قلبها ويناديها
ياويل حالي ونبض قلبي وصبره
من شوف كلامها وجية طاريها
المشاعر والاحاسيس ترافقها عبره
بين حنين العين ونبض القلب يجاريها
لهيب داخل الحشا مايبان للغير حره
يلهب داخلي وسهم الضلوع يباريها
يفر همسي من هالحال فره ورا فره
وترجعه ذكريات صعب نسيان ماضيها
كانت تقول هالكلام لي بحلاه ومره
يزود همسي وكلامي لأجلها وأداريها
هذا الشعور يلوع حالي ويحرق جمره
غيري ذاقه ولاقدر يوصل معانيها
السؤال في نهاية القصيد وجره
مايشد مهرتي بوحي وكلماتي وقوافيها
@عزالدين الحميري@
ليست هناك تعليقات:
إرسال تعليق