..... شاعر بسيط.......
شاعر وبسيط شغبط ع الحيط
بيقول في كلام يشكي لجده
وبيخرج منه كلام إشعار
ولا شاعر يوم حيكون قده
والحرف بتاعه تحسه كبير
في قاموس مكتوب ظاهر حده
ولسانه يقول في الحكمه كتير
للظالم بات واقف ضده
مستغرب شايف فيه أفعال
موجوع في الكون يوصف غده
في سطوره يقول الهم كتير
غرقان في بحور والموج شده
مكتوبه ياعيني الدمعه عليه
ويوماتي بيغسلها بيده
ولا حد معاه حس الأوجاع
اوفكر يوم يمسح خده
منديله خلاص ف ايديه مبلول
معرفش يقوم لعنيه مده
وكلامه الحلو مازال على الحيط
والريج جه عدا عليه هده
راح المسكين وف غمضة عين
بات سره معاه أضعف خلقه
والخط عليه رمل ومدفون
في جدار مهدوم يصعب عده
.... .......... .......... ....
كلماتي جمال زياد
ليست هناك تعليقات:
إرسال تعليق