..... كلب العمده مات.....
لما كلب العمده مات
كله جه زعلان عشانه
بالدموع رايح بيبكي
في البيوت يقفل ببانه
لم عيلته وجاله يجري
وخد معاه أمه وعياله
قصده يبقى العمده شايفه
للعيال يبلغ وصاله
كل واحد نفسه يظهر
للمات بالخير دعاله
جاب معاه منديل ويلطم
على الخدود يضرب خياله
يبكي يامه عشان يصدق
والنواح يبلغ محاله
ليه يقول روحت ياصاحبي
سيبتني ويلعن زمانه
كله جاي للعمده يرقص
بالصاجات تخرم ودانه
والكلام الحلو زوق
في اللي راح يمدح كيانه
جاي بيقول العمده صاحبي
والعبيط صدق كلامه
كله وقت الشده باين
بات معاه ضله بخياله
بات معاه في البيت يواسي
من الفلوس يكبش ملاله
قاله انت بقيت حبيبي
وطى بوس للبيه نعاله
وابتدا الهلفوت يسقف
للعبيط ينهب في ماله
.........................
كلماتي جمال زياد
ليست هناك تعليقات:
إرسال تعليق