زهقان ف حياته كل شويه يؤمر مراته مش بتسمع كلامه.
يضربها تمسك ف خناقه يسايسها تقول حاضر وف النهايه تخالف اللي قاله.
مش قادر عليها ومش مقدره المسؤليه حتى مش واخده بالها من عياله.
يشتكي لأهلها برضوا طبع فيها وشاغل تفكيره أوام بسرعه تنزل دموعه وكل يوم بسبها تزيد همومه.
ومشاكل كتير مع اهله وصحابه وجيرانه وخسر ناس كتير ومش عارف يحسن من أحواله.
مضايق والعيشه أصبحت عقبه واقفه قدامه مش واخده بالها من نفسها عشان تشرفه قدام أصحابه.
ولسانها زي السم بيخاف تتكلم كلام يكون سر بينها وبينه وتفضحه وتهز صورته قدام كل اللي يعرفه حتي جيرانه.
يكلمها عن امر الطاعه ويعرفها حلاله من حرامه برضوا مش عاجبها طريقة تفكيره.
تسرق فلوسه ومن وراه تقول ماخدش حاجه وعارف اللي معاه واللي ف جيبه.
يعدي ويسامح ورافض يطلقها عشان عياله وع قد امكانياته عايش معها وحاسيس بظروفه.
لكن دا حظه ونصيبه وع قد نيته وأعماله ربنا رزقه بزوجه تخاليه يطلع من هدومه.
والناس تسمع صوته والكل يعرف أسراره عشان سمع كلامه مراته واللي يطلع عمره ماينزل تاني وكان بختياره.
بيدعي من قلبه ان ربنا يهداهاله وتكون زوجه محترمه وتسمع كلامه وداري ع أسراره.
تقعد ف وسط أصحابه داخل بيته وتقول كلام مايصحش تقوله وهو ف نص هدومه.
والضحكه عاليه ومش بتراعي شعوره ودي حقيقه والبعض بيعاني لكن مكتوبه ف صحيفة أعماله.
تكون مراته وتعيش معاه وتكمل مشواره واتغيرت ملامحه وكبر وهو ف عز شبابه.
كان نفسه يعيش ف سعاده والكل يقدره ويحترم كلامه لكن بسبها اهتزت صورته وكيانه.
يارب اهداهاله وارزقه السعاده وخاليها ف ميزان حسناته تراعيه وتصونه وتحافظ ع كل حاجه حلوه
وتسعد أيامه زوجه صالحه وتقدر تعبه وشقاه وتحافظ ع ماله وتكون بدايه سعيده مع مرور أيامه.
دي قصيده مهمه هاتفيده وتعالي من مقامه واصبر عليها وربنا قادر يغير كل شئ ف ثواني وترتاح اعصابه.
شاعر العصر صاحب كلمه وبقدم ابداعه ومقدر ظروف غيره وحاسيس بجرحه وعذابه.
يارب احفظه وصونه وعدل من احواله وخالي السعاده من حظه ونصيبه وقادر تعدل من عيوب مراته....
الشاعر/طاهر مختار
شاعرالعصر/تحيا مصر
طنطا/كفرالزيات/اكوه الحصه
19/1/2018
5/40 الساعه
الحمدلله ع نعمة الابداع.
انتظروا الجديد
ليست هناك تعليقات:
إرسال تعليق