بح خلاص
_________
بح خلاص بطالنا نحب
شوق وكلام والآخر كدب
عيش أيامك ثانية بثانية
ليه تتعلق بس بقلب
أد ما تقدر عيش وإتهنا
وأد ما تقدر حب وحب
___________________
ليه تستكفى ياقلبي بواحدة
ده انت ياقلبى حياتك واحدة
شوف القلب سبعين دقة
خلى الدقة لواحدة وواحدة
واوعى تقوللى ده كفاية واحدة
أصل الحب ده وهم وكدب
واد ما تقدر حب وحب
_________________
قلبك جنة فيها حنان
يدخلها أى إنسان
ينعم بالراحة والود
أقطف أنت من ازهارها
بين ياسمين وفل وورد
واوعى تقوللي ده كفاية واحدة
أصل الحب ده وهم وكدب
واد ما تقدر حب وحب
__________________
اوعى ياقلبي تعيش في الآلام
ويجرح قلبك انسان
يوم في بعاد وعناد وخصام
ويسيبك مجروح القلب
اوعى تقولي دا كفاية واحدة
هو العالم فيه كام واحدة
واوعى تقوللي أصلي بحب
والله الحب دا وهم وكدب
وانت ياقلبي عيش وإتهنا
وأد ما تقدر حب وحب
_____________________
شعر/محمدتوفيق
ليست هناك تعليقات:
إرسال تعليق