نجـــــــــــــــــــــــوم سمـــــــــــــــــــــــــاه
................................................
يالــــــى قـــــاعد عـ البرارى بـص وشوف
تــلقى النــــسيم فى العصارى بقى مكسوف
عــيش معـــاه وإياك لدمع العين تشــــــوف
قــاعد مجعمزأصل قلبــك ياعين مكســــور
خـــايف لبـكره بحـزن تــانى يجيك الـــدور
خـــايف لجرحك يبــــان يكشف المستــــور
وفــى ظــــل الغيوم والحيــاة مفـــــيش أمل
تـــدور عيونــك تـــنادى يــا رب إيه العمل
صــــــبرت كتير وحملى ما يشيـــله الجمل
تـــــلاقى قلــــب يمـد ليك طـــــــوق النجاة
يكـــون معـــاك سفــينة شراع كل الحيــــاة
ساعتهـــا يكـون فرحك وسعدك أكيـد معـاه
تكون معاه وتحلم ببـــكره بيــوم لقــــــــــاه
حلـــق وغـــرد وطــــير لحد نجوم سمــــاه
بطـــل تـــنام وتحضن حزنــك المعــــــهود
أصل الحيــاة لحظات ثوانى ونفس معـــدود
................................................
تحياتـــــــــــــــــــــــــــى ، بقلم عمر جميل
ليست هناك تعليقات:
إرسال تعليق