ال عاش ليك
........
اوعي الحياه
تنسيك
ال عاش ليك
ولا الزمن
عليه يقسيك
بعد ما
بايديه سقاك
الحنين
صحيح
منيش شايفك
لكن
عايشك
بكل الاحاسيس
كانك
ما فارقتنيش
و
البال علي طول
مشغول
بيك
وانت عني بعيد
بفتكر
ضحكتك بضحك
و يدق قلبي ويفرح
والحنان الاقيه ماليه
وانت عني بعيد
شفايفي
بتغني باسمك
مواويل
والشوق يكبر ويزيد
لعنيك
وغالبني اكيد
وانت عني بعيد
بتجري بيا السنين
وفيها
انا وقلبي تايهين
مش عارفين
رايحين فين
ولا منين جايين
وانت عني بعيد
اوعي الحياه تنسيك
اللي عاش ليك
ولا الزمن عليه
يقسيك
.........
علاء زايد
من ديواني
ليست هناك تعليقات:
إرسال تعليق