اغنية...خليها جوايا
خليها جوايا توجع...
أحسن ما تطلع برايا تجرح...
و أنت أنت يا حبيبي...
أنت عارف عملت فيا أيه...
خونت و بتقولي مش با أيديك...
و بتترجاني أسامح و أرضي عليك...
حاضر حاضر حاضر يا سيدي...
حاضر ح أبلع المر المرادي...
علشان حبي ليك يعيش...
و كلمة الملام...
ح أحوشها...
و أخليها بس دموع...
علي رموش العين...
و ح أنام منها...
علي قهره طول عمري...
ما ح تنشال مني...
و سهر ليلي ح يفكرني تملي...
بغدرك ده كان ليه...
دنا أيدالك صوابعي شمع...
و سهرانه أخدم فيك...
و أبتسامه علي وشي...
و العيال منيماهم و بستني فيك...
و العتاب العتاب...
العتاب ده ح أخليه جوايا يوجع...
أحسن ما يطلع برايا يجرح...
دنا خايفه منه عليك...
ده أنت قاعد بتشرحلي...
في نزوه و كمان بدموع عنيك...
و أنا قاعده قصادك و بصالك مسهمه...
و مش سامعه أنتبتقول أيه...
و عقلي في سري بيقولي...
طب لو أنا اللي رجلي هي اللي زلت...
كنت أنت ح تعمل فيا أيه...
و كل ما ييجي ينطق بيها لساني...
أقول لاء لاء لاء يابت...
خليها جويا توجع...
ده الطريق لسه طويل...
خلينا يا قلبي...
نصبر المرادي عليه...
ده برضه حب السنين...
لو ضيعته أنا ح اعيش بس بأيه...
دنا ح أقضي بقيت عمرى...
بندم و ببكي اللي شوفته أنا فيه...
و العتاب العتاب...
العتاب ده ح أخليه جوايا يوجع...
أحسن ما يطلع برايا يجرح...
دنا خايفه منه عليك...
بس أسمحلى يا حبيبي أسألك...
آخرة الجلسه دي إيه...
نادم علي اللي عملته فيا...
و لا أديك ملاقي واحده بتصدق فيك...
و علي قلبها و حبها...
أديك بتضحك بقسوة قلبك عليه...
لكن يا حبيبي...
أنا عايزه بس أفكرك...
بأن كيدهن لعظيم...
فا ما تخليش...
الغضب...
اللي جوايا يقسو عليك...
مش ح تقدر أنت عليه...
ده صاحبة الحق تملي صوتها عالي...
و أنا بكلمك بصبر طويل...
و أنت اللي غدرت...
و كمان مش هامك اللي أنا فيه...
و العتاب العتاب...
العتاب ده ح أخليه جوايا يوجع...
أحسن ما يطلع برايا يجرح...
دنا خايفه منه عليك...
و السماح اللي بقالك ساعه مني طالبه...
ده من شيم الكرام...
و أنا ح أسامح في حقي...
و ح أسكت عليه...
أنت عارف ليه...
لأن بكده ربي أمرني...
و ده اللي أهلي ربوني عليه...
و مش ح أقدر في آخر عمري...
أغير اللي أتربيت أنا عليه...
لكن حذاري من غلطه تاني...
و اللهي ح أدوس علي قلبي...
و بالسكين ح أقطع أنا فيه...
تقدر بقي دلوقتي تقوم تبوسني...
بوستين علي خدي...
و الجبين و اليدين...
و تمسح دموعي اللي نزلت بسببك...
بكفوف أيديك...
بس و النبي ما تسيب البيت...
و العتاب العتاب...
العتاب ده ح أخليه جوايا يوجع...
أحسن ما يطلع برايا يجرح...
دنا خايفه منه عليك...
ما الحياه بينا من تاني ح تمشي...
بس مش ح تلاقيني...
ذي زمان طوع أيديك...
دنا في جوايا شروخ...
و جروح عايزلها سنين...
علشان تذوب...
و قلبي يشفي من ده غليل...
و أسهر بقي الليالي...
أدارى منك دموعي في المناديل...
و أضحك و أنا موجوعه...
و مش ح تحس باللي أنا فيه...
و أنت اللي ح تكون...
الدوا لو تقدر أنت عليه...
و ريني بقي إذاي...
ح تقدر تداوي جروحي...
لأن تصرفاتك...
حركاتك...
همساتك...
دي حتي تلفوناتك...
ح تكون مشكوك فيها و فيك...
حاول بقي ترجعني تاني إذوب فيك...
و أعشق التراب اللي بتمشي عليه...
و العتاب العتاب...
العتاب ده ح أخليه جوايا يوجع...
أحسن ما بطلع برايا يجرح...
دنا خايفه منه عليك...
فا خليها جوايا توجع...
أحسن ما تطلع برايا تجرح...
و ده اللي ربي...
و أهلي ربوني عليه...
مع تحيات شاعر الوجدان الشاعر السكندرى\على الطاووس
ليست هناك تعليقات:
إرسال تعليق