ليه نخلى الوحدة كلمة ....... الوحدة فعل مش كلام .
فعل فيه إخلاص وهمة ...... وود بيزين السلام .
وف فرحنا نبقى لمة .......... وبالمحبة يهون زحام .
وقت شدة أوفى أزمة ........ إسم مصر فيه سلام .
مين يقول عالوحدة كلمة .... والتاريخ شاهدعلينا .
المسيحى أهل ذمة ........... وصى بيها رسولنا لينا .
خيرخلق الله بذمة ............ قال أذاه يؤذى نبينا .
الذمى فين حقه ............... يااهل الصلاح قولوا .
لو ينهضم حقه ................. فيه مين يردوله .
الذمى فين حقه ............... يامسلمين قولوا .
مين جار على حقه ............ بعرضه وبطوله .
ضمن النبى حقه ............... وأمنه صانهوله .
وقال كلام عنه ................. الكل حافظهوله .
ونهى النبى عن أذاه ........ فى حديث شريف محلاه .
واجب نصون حقه ............. ولو ضاع نجيبهوله .
طب مين يصون حقه ......... ومين غيرنا يجيبهوله .
علشان تكون مسلم ............ نفذ وصايا نبيك .
ومن اللسان يسلم .............. الخلق من حواليك .
وعشان نقول مسلم ........... كف الأذى بإديك .
ساعتها تقول مسلم ............ والكل يشهد ليك .
أشرف بيومى
ليست هناك تعليقات:
إرسال تعليق