- صدقيهم -
صدقيهم لو قالولك أي كدبة عن حياتي
صدقيهم لو قالولك اني فاشل
اني بسهرللفجر ليلاتي
أني بعرف كل ساعة بنت لون
صدقيهم لو قالولك
اني صابني بعض الجنون
صدقيهم
بس اوعي تصدقيهم لو قالولك انى قاسي
أو قالولك انه لحظه قلبي مات
طب قالولك
اني بقعد تحت بلكونتك أعيش الذكريات
اني ببكي على المخده بالساعات
ايوه ببكي بصوت ضعيف
زي اغصان الشجر
لما يسقط ورقها فالخريف
وتهتهاتي كأنها عصغور جريح
مكسور جناحه وأصبح كفيف
طب قالولك
اني برسمك على كل جدران البيوت
طب قالولك اني فى غيابك بموت
صدقيني
كنت بتغرب وسافر
كنت بتعذب وعافر
كنت شايل روحي علي كفي عشانك
كنت بعرف ضحكتك وسط الزحام
كنت بسمع اسمك يتمنع الكلام
كنتي ساكنة فى دمي وريدي
كنتي فرحي وابتسامتي
كنتي عيدي
كنت بكتب كل يوم فيكي شعر
كنت بتمناكي من بين البشر
لكن النصيب هو النصيب
والقدر هو القدر
بقلم الشاعر / القذافي حسن محمود ( صياد اليمام )
تم النشر بتاريخ 19/اكتوبر 2017
ليست هناك تعليقات:
إرسال تعليق