نواح الولاية
احكي ياجرح على البشر
اصرخ وقول دول مجروحين
ال خلاص بريو القلم
والحبر علم على السنين
وال عاشوها بقولة اه
جوا الفؤاد حزن ودفين
عاشوا الحياه فيها الآهات
كل الشهور صبحت أنين
حتى الهموم باتت جراح
تبكي وتنده على الحنين
تنده تقوله كفايه لوم
دا القلب فينا بات حزين
نفسي ياهم نعيشها يوم
طايرين لفوق مش مسجونين
فينا الصغير شعره شاب
والندب باين علي الجبين
حتى البيوت صارت خراب
وماعدش فيه ناس فرحانين
قعدوا الولاية على الطريق
ناحم بصوت بكى البنين
يبكم بصوت فيه الجراح
والدمع ينزل في العجين
خبزوا الرغيف جوا القلوب
نارهم تدفي البردانين
قالم ياناس ليه الزمان
عايشنا ليه فيه مجروحين
موت قلوبنا من زمان
ولا عيشنا فيه يوم مرتاحين
حتى الحوامل يومها راح
موت حشاها فيه جنين
...........................
كلماتي جمال زياد
ليست هناك تعليقات:
إرسال تعليق