سوء تفاهم
بس قولي
إمتي قلبي زعلك
إنت فاهم إن عمري
مااقبل إني أخدعك
كنت لما تكون تعبني
كنت بسكت واسمعك
والنهارده خلاص تسبني
روح ماهقدر أمنعك
في كلام من جوه قلبي
وعايزه بس أسألك
زي مابترضا بوجعي
النهارده انا هوجعك
إعرف ان انت سايبني
لما انا باقيه عليك
والنهارده لما تمشي
تاني مااقدر أرَجعك
==============
كنت لما تهين مشاعري
ألتمسلك ألف عذر
وإن لازم أبقي جمبك
مهما كان الحلو مر
وأخفي جوه عيوني دمعي
بجد ماصعبتش عليك
والنهايه تقولي إنك
دي حياتك وانت حر
ليه بتوعدني بحاجات
متحققهاش
ليه تخلي عمري كله
يروح بلاش
والا اقولك لاء خلاص
وكمان بلاش
ولا شوفتك مره سنادي
ولا حتي ضهر
ليه بتزعل ليه كلامي
بيوجعك
ياما كنت كتير واجعني
فيها إيه لما اوجعك
بس بالنسبالي
همشي
من غير ماحتي أودعك
=================
احمد طلبه
٢٠١٧/١٠/٢٦
ليست هناك تعليقات:
إرسال تعليق