ياريس المركبة ............. ركابها قلقانة .
ياريس المركبة ............. عليها ناس تعبانة .
وسط رياح متعبة .......... م الخوف قالوا يانا .
رافعين إديهم للسما ........ بيفولوا يارب ويانا .
وفق ولاة الأمور .............. يحسوا باللى أعيانا .
ياريس المركبة ................ البحارة تعبانة .
بيواجهوا نوة متعبة .......... وف الجر شقيانة .
متقلش ع المركبة ............. الكل ويانا .
قوم طل ع البرطوس ..... ناس قاعدةتعدفلوس.
هتبص ف البرطوس ....... هتلقى ناس وكنوز .
فاسدين ومانكسفوش ...... بالفقرا ماهتموش .
باعوا واشتروا فينا ...... من غيرخشى مداروش.
بيدوا إزم مش فوس .... لناس ف إيدها كؤوس.
وهيعمل ايه السكران ... لوحتى ف إيده فانوس.
قبل السكر كان تعبان
وهدف سهل لعميل وجاسوس.
يديله بإيد أزمة ........... وبالتانية يناوله فلوس.
راح يعمل ايه بالأزمة .... غيرعمل ملوش لازمة .
وهيعمل ايه سكران ...... أصبح بسكره جبان .
هيخرب العمران ........... ويهدم البنيان .
وخلى بالك م الهدر ........ للمية تخلها .
ويخوناواحد م الغجر..... ويسيب المية تغمرها.
وتعبك معانايروح هدر .... بفعل فاعل يعملها .
لومش خيانة ضجر ........ من عيشة محاملها .
طب يبقى إيه العمل.....لوجت لحظةيأس وعملها.
ياريس إلحقنا ... لليأس يهزمنا ... والريح تغرقنا.
وتروح ضحايا كتير ........ واكتر كتير منا .
ونستغيث ف الليل ......... ويضيع النهار منا .
وخاين يساوى أصيل ....... ونغرق بأحلامنا .
أشرف بيومى البديوى
ليست هناك تعليقات:
إرسال تعليق