....مش مستحمل منك كلام.......
بأختفى بين حروفك
بين الأمل والخوف
والظل
بأختفى
حاسس برعشه خوف
خايف تفرقنا الظروف
رغم إنى بعيد
عنك
بأختفى وسط الحروف
نظره فيها ملام
نظره الشوق والملام
نظره فيها حيره
حيره من الجاى
ومن إن أحضنك
ألاقى خيال وظل
نظره فيها كلام وغل
مش عايز يمر
بينى وبينك
الشوق والحنان
يتحول سراب اويضل
وخايف
أنا على قلبى منك
حظه دايما مش معاه
حظه دايمابينتهى
فى لحظه غروب
الظل
وأنا بأنتظر حبك يمر
أنا فعلا وحيد
عايش بين حروفك
تايه وحيد الظل
بأختفى بين حروفك
جايز أحس بأمان
فى قلبك فى حبك
ولا حتى فى خيالك وظلك
بس الحقيقة غير
الحروف عندك غريبه
طلاسم مرسومه فى
ظلك
الخوف بيرتجف حتى منك
ليه بتحملينى ذنبك والملام
صدقينى أنا مش مستحمل
منك كلام....
(على عبدالباقى ١٠أكتوبر٢٠١٧)
ليست هناك تعليقات:
إرسال تعليق