الحرافيش
بقلم محمد الصيرفى
اه عليكى يا بلد
لما يتكلم الحرافيش
تسمع كلام عجب
من عقل ما تلاقهوش
سابو الخراب اللى فى البلد
وكرت المحمول غلى مجيبوش
طمسه عليك ياد الوالد
وكمان على اللى جابوك
فين اسعار الارض
واسعار الاكل والدواء
كله غيلى ومتحركتوش
ضاعت حياتكم بالعبط
وانتم نايمين مصحتوش
غلو البنزين والسولار فى البلد
والخضار واللحمه متقلوش
يعينى على اللى بيجوز ولد
والبنت مائتين الف ميكفوش
وكله جاب وراه
بس ما يتكلموا ولايعرضوش
علشان الامن ما يخدوش
وعيشتهم كلها كمد
وتكلمهم ما يقتنعوش
اصله مركب دماغ من الخشب
وداقق فيها مسامير بشاكوش
حصره عليكى يا بلد
كتر فيكى الحرافيش
امتى تنجبى ولد
يقف للظالم ميخافوش
ويتلف حواليه كل الحرافيش
ليست هناك تعليقات:
إرسال تعليق