وَصِيَّـتِـــى
********
لسكان الجلاليب واللى دارهم طين
لكل أم بتـقـوم تِـدَوَّر ع العجين
لابن خالتى اللى عاش عـُمْرُه حــزين
لولادى اللى كانوا فاكرين ان شين
يا اولادى ابوكم فى الغـُربه زيـن
وان جـيتوا يـوم مـيْـتَمِى
وفَّـرُوا يا اولادى دمـع الـعــــين
دا الغُـربه أوْلـى بجُــثتى
أصْل انتوا ما انتوش شـياليـن
تقديم
سامحينى يا غاليه عليه
اذا كنت عرفت الهجر
كل اللى أخدته من امى
الحُب وطيبة القلب
والدنيا حقيقى ادتنى
قلم اسهر بيه للفجر
والغُربه صحيح خلططنى
فى اصحاب السوء والغدر
واذا كانلى قدر متخبى
أيه ذنبى انى ابن ابو بـد ر
********************
شاعر القريه
فيصل بدر
ليست هناك تعليقات:
إرسال تعليق