'' ''''''أوجاع سوريا......
ياسوريا فين قلمك
يحكي سهاريكي
دا السن فيه اتكسر
رافض يحاكيكي
تاه منه ضاع الورق
بين طوب حواريكي
والدم فيكي اتهدر
راوي لصحاريكي
مسكوب على رملك
حبره مغطيكي
جاي بالجراح والوجع
يهدم مبانيكي
شوفت الجنين بيمووت
يصرخ يناديكي
صرخه ماليه الألم
عهده يعاديكي
سأل دمه بين أرضك
نهره في مجاريكي
حتى الخراب خيم
بقى لليل يواسيكي
ونهاري بات ضلمه
عتمه في ضحاويكي
كان الكرم طبعك
ليه نام مجافيكي
ياسوريا انا ابنك
غنيت غناويكي
بعدم الهموم والوجع
ماليت حكاويكي
حلمي ولقيته اتهدم
ضليت خطاويكي
كان نفسي الاقي الأمل
شطي لمراسيكي
والابن فيكي اتولد
جاهل معانيكي
كان نفسه يبقى الأب
يحضن يدفيكي
تكبر معاه فرحتك
ينده يلاقيكي
ياخسارة راح الفرح
ماشي وناسيكي
......................
كلماتي جمال زياد
ليست هناك تعليقات:
إرسال تعليق