(دنيا المجون والبدع )
يا دنيا المجون والبدع
فيكى الخلوق اتخدع
والعاصى فوق ع الراس
زدت الركوع فى الصلا
قالوا الكلام ع الملا
زنزانة بالترباس
سيبت الصلاة والحيا
قالوا ده م الاوليا
شيخنا الامام خباص
سدوا بضلامى النور
رشوا الفساد فى بخور
واتباهوا بالأجناس
قالوا الصبايا الحور
شغالة جوه ماخور
خلونا م الأنجاس
واللى فى حجابها النور
قالوا عليها تغور
قتلوا الحجاب بحماس
سابوا اللى فيها لعوب
يملى الفلوس فى جيوب
مشيوا ورا الوسواس
واللى فى قلبه إيمان
حطوه فى أوطى مكان
صوت الأدان فى الباص
راحل يا أهل الدين
سيبوا الجناة عايشين
بكره الحياة تنداس
وكل العباد ع الباب
ماسك فى ايده كتاب
فاعمل لرب الناس
ليست هناك تعليقات:
إرسال تعليق